भारत हा जगाच्या नकाशावरील एक प्रमुख देश आहे. जगातील सर्वात प्राचीन संस्कृती असलेल्या काही मोजक्या देशांपैकी हा एक देश आहे. भारताला हजारो वर्षाचा इतिहास आहे. अनेक वर्षांची प्राचीन संस्कृती आहे. अनेक मोठी मोठी साम्राज्ये ह्या देशात उदयाला आली आणि कालपरत्वे लयास गेली. ह्या साम्राज्याच्या उभारीच्या काळात अनेक कला, वास्तू, भाषा, ज्ञान, धर्म, अध्यात्म अशा अनेक अंगाचा विस्तार ह्या देशामध्ये झाला. अनेक भाषा आणि प्रांतावर रचना असलेले आणि एकोपा असलेले भारत हे जगाच्या पाठीवर एकमेव राष्ट्र असेल. ह्या देशाचे स्थान जगाच्या पाठीवर अशा जागेवर आहे जेथे उन्हाळा,पावसाळा,हिवाळा असे सर्व ऋतू ठराविक कालावधीने येतात. जगातील असा दुसरा कुठलाच देश नसेल.
 |
| image source-wikipedia |
ह्या सर्व धामधुमीत ह्या देशाचा सांस्कृतिक विकास कधीच थांबला नाही. अतिशय सुंदर असे साहित्य, पुराने, वेद ह्या देशात लिहिली गेली. महाभारत, रामायण सारखे जगातील पहिले महान आणि मोठे ग्रंथ ह्या देशाच्या मातीत लिहिले गेले. ह्या सर्वांचे मला लहानपणापासूनच आकर्षण होते. त्या आवडीपोटी अनेक जुने ग्रंथ, पुराने चाळायला घेतली. खूप काही माहिती मिळाली. विचार आला कि हि सर्व माहिती आपण इतरांना सांगावी.अर्थातच ब्लॉग शिवाय चांगले माध्यम नव्हते म्हणून हा ब्लॉग लिहायचा प्रपंच.
ह्यात देशाच्या इतिहास व अध्यात्म साहित्याचा लेखाजोखा मांडण्याचा प्रयत्न करणार आहे. अगदी देवांच्या आरत्या पासून, पुराणातली गोष्टी, रामायण महाभारताच्या कथा वगैरे जे काही माहिती असेल ते मांडण्याचा प्रयत्न करणार आहे. कदाचित मी दिलेली माहिती चुकीची किंवा अर्धी असू शकते. पण सुज्ञ वाचक त्यात दुरुस्ती करतील अशी आशा आहे.
(कृपया ह्या ब्लॉग मधील विचार पूर्णतया माझे आहेत ह्यातून कोणाच्या भावना दुखावण्याचा हेतू नाही.)
0 Comments